ಘೋಣಸಗಿ ಗ್ರಾಮದಲ್ಲಿ ಉಚಿತ ಆರೋಗ್ಯ ತಪಾಸಣೆ ಶಿಬಿರ ಗ್ರಾಮೀಣ ಭಾಗದ ಜನರಿಗೆ ಅನುಕೂಲವಾಗುತ್ತಿರುವ ಕಾರ್ಯಕ್ರಮ

ವಿಜಯಪುರ: ಬಿ ಎಲ್ ಡಿ ಇ ಆಸ್ಪತ್ರೆಯ ವೈದ್ಯರು ಗ್ರಾಮೀಣ ಭಾಗದಲ್ಲಿ ಆರೋಗ್ಯ ಸೇವೆ ಮುಂದುವರೆಸಿದ್ದಾರೆ.  ತಿಕೋಟಾ ತಾಲೂಕಿನ ಘೊಣಸಗಿ ಗ್ರಾಮದಲ್ಲಿ ಬಿ.ಎಲ್.ಡಿ.ಇ ಡೀಮ್ಡ್ ವಿಶ್ವವಿದ್ಯಾಲಯ ಬಿ. ಎಂ. ಪಾಟೀಲ ವೈದ್ಯಕೀಯ ಕಾಲೇಜು, ಆಸ್ಪತ್ರೆ ವತಿಯಿಂದ ಮಹಿಳೆಯರು ಮತ್ತು ಮಕ್ಕಳ ಉಚಿತ ಆರೋಗ್ಯ ತಪಾಸಣೆ ಹಾಗೂ ಚಿಕಿತ್ಸಾ ಬೃಹತ್ ಶಿಬಿರ ನಡೆಯಿತು.

ಈ ಶಿಬಿರದಲ್ಲಿ 400ಕ್ಕೂ ಹೆಚ್ಚು ಜನ ಮಹಿಳೆಯರು ಮತ್ತು ಮಕ್ಕಳು ಆರೋಗ್ಯ ತಪಾಸಣೆ ಮಾಡಿಸಿಕೊಂಡರು.  ಅಲ್ಲದೇ, ಅಗತ್ಯ ರೋಗಿಗಳಿಗೆ ಉಚಿತವಾಗಿ ಔಷಧಿ ವಿತರಣೆ ಮಾಡಲಾಯಿತು.

ಬಿ ಎಲ್ ಡಿ ಇ ಆಸ್ಪತ್ರೆಯ ಸ್ತ್ರೀರೋಗ ಮತ್ತು ಪ್ರಸೂತಿ ವಿಭಾಗದ ವೈದ್ಯರಾದ ಡಾ. ಗಿರೀಶ ಬಿರಾದಾರ ಪಾಟೀಲ, ಡಾ. ಮಂಚಿನೇನಿ ಸೌಮ್ಯ, ಡಾ. ಕೀರ್ತಿ ಹಾಗೂ ಮಕ್ಕಳ ವೈದ್ಯರಾದ ಡಾ. ರಾಮಕೃಷ್ಣ ಪರಡ್ಡಿ, ಮತ್ತು ಡಾ. ಅಖಿಲ ಆರೋಗ್ಯ ತಪಾಸಣೆ ನಡೆಸಿದರು.  ಆಸ್ಪತ್ರೆಯ ಔಷಧ ವಿಭಾಗದ ಸಿಬ್ಬಂದಿ ಚಿಕಿತ್ಸೆ ಪಡೆದ ರೋಗಿಗಳಿಗೆ ಉಚಿತವಾಗಿ ಔಷಧಿ ವಿತರಿಸಿದರು.

ಈ ಸಂದರ್ಭದಲ್ಲಿ ಗ್ರಾಮದ ಮುಖಂಡರಾದ ಮೈಬೂಬ್ ಜತ್ತಿ, ಸಿದ್ದು ಮುಚ್ಚಂಡಿ, ಯಾಕೂಬ್ ಜತ್ತಿ, ನಾಗೇಶ ಕರಜಣಗಿ, ರಾಹುಲ ಕಾವಿ, ವಿನಾಯಕ ಜಮಖಂಡಿ, ಮಹೇಶ ದೊಡಮನಿ, ಅನಿಲ ಸೊರಡಿ, ಬೈಗಂಬರ ಜತ್ತಿ ಮುಂತಾದವರು ಉಪಸ್ಥಿತರಿದ್ದರು.