ವಿಜಯಪುರ: ನಗರದ ಅಂಜುಮನ್ ಕಾನೂನು ಕಾಲೇಜಿನ ವಿದ್ಯಾರ್ಥಿಗಳ ರಾಜ್ಯ ಕಾನೂನು ವಿಶ್ವವಿದ್ಯಾಯದ ಅಂತರ್ ಕಾಲೇಜು ಚೆಸ್ ಪಂದ್ಯಾವಳಿಯಲ್ಲಿ ತೃತೀಯ ಸ್ಥಾನ ಪಡೆದು ಬಸವ ನಾಡಿಗೆ ಕೀರ್ತಿ ತಂದಿದ್ದಾರೆ.
ಚಿತ್ರದುರ್ಗದ ಎಸ್. ಜೆ. ಎಂ ಕಾನೂನು ಮಹಾವಿದ್ಯಾಲಯ ಆಯೋಜಿಸಿದ್ದ ಈ ಪಂದ್ಯಾವಳಿಯಲ್ಲಿ ಮತ್ತು ಆಯ್ಕೆ ಪ್ರಕ್ರಿಯೆಯಲ್ಲಿ ಅಂಜುಮನ್ ಲಾ ಕಾಲೇಜಿನ ವಿದ್ಯಾರ್ಥಿಗಳಾದ ಸಮೀರ ಕಾಜಿ, ಅಮೀರ್ ಎನ್. ಕೊರ್ತಿ, ಪ್ರದೀಪ ಬಳಗಾನೂರ, ಆನಂದ ಕಾಳಗಿ ಮತ್ತು ಶಶಿಕುಮಾರ ನುಗ್ಲಿ ಅವರ ತಂಡ ಮೂರನೇ ಸ್ಥಾನ ಪಡೆದು ಗಮನ. ಸೆಳೆದಿದೆ.
ಈ ವಿದ್ಯಾರ್ಥಿಗಳನ್ನು ಕಾಲೇಜಿನ ವತಿಯಿಂದ ಸನ್ಮಾನಿಸಲಾಯಿತು. ಕಾಲೇಜಿನ ಆಡಳಿತ ಮಂಡಳಿ ಉಪಾಧ್ಯಕ್ಷ ಸಯ್ಯದ ಝೈನಯಲಬೆದಿನ್ ಹಶ್ಮಿ ಪೀರಜಾದೆ, ಪ್ರಾಚಾರ್ಯ ಡಾ. ಎಸ್. ಎಸ್. ನಾಗಠಾಣ, ಉಪನ್ಯಾಸಕರಾದ ಎಂ. ಐ. ಹೊಸಪೇಟಿ, ಪಿ. ಇ. ಸಂಕದ, ಉಜ್ವಲಾ ಎ. ಸರನಾಡಗೌಡ, ಸನಾ, ಕಾಲೇಜಿನ ದೈಹಿಕ ನಿರ್ದೇಶಕ ತೌಫಿಕ್ ಅಹ್ಮದ ಕೂಡಗಿ ಮುಂತಾದವರು ಉಪಸ್ಥಿತರಿದ್ದರು.
ವಿದ್ಯಾರ್ಥಿಗಳ ಈ ಸಾಧನೆಗೆ ಕಾಲೇಜಿನ ಆಡಳಿತ ಮಂಡಳಿ, ಬೋಧಕ ಮತ್ತು ಬೋಧಕರ ಹೊರತಾದ ಸಿಬ್ಬಂದಿ ಹಾಗೂ ಸಹಪಾಠಿಗಳು ಅಭಿನಂದನೆ ಸಲ್ಲಿಸಿದ್ದಾರೆ.
